أكتوبر 17, 2007 في 6:06 م
· Filed under مواضيع عامة
كل يوم نسمع عن انجازات اليابان في الصناعة والتعليم ومجالات اخرى … بس لو رجعنا ورا (بعد الحرب العالمية الثانية ) شو كانت اليابان !!
بعد القنبلة النووية لو أي دولة ثانية (في اعتقادي الشخصي) جان شفناها لين الحين تعاني من أثار هالحرب لكن اليابان غير بالعكس هزيمتهم في هالحرب خلتهم شعب ثاني شعب يحب النظام ويقدر العلم والتطور شعب دقيق في مواعيده .. القراءة شي اساسي في حياتهم .. العمل عندهم عبادة!!
الشي الجميل أن اليابان خسرت معركة سياسية بس بعد الحرب فكرت بأشيا ثانية … يعني اهتمت بكل شي الا السياسة
التعليم استوا شي اساسي عندهم .. وفي كل مدينة يعلمون الطلاب على ثروات هالمدينة .. في المناطق الزراعية يعلمون الطلاب الزراعة وشو انواع التربة وفي المناطق الساحلية يعلمون الطلبة الصيد والثروات الموجودة في البحر… ويا اليوم اللي نشوف اليابان من الدول العظمى
نظرة سريعه لحالنا … العرب كانوا الأفضل والسباقين في كل شي والحين !!!!!!!!!!!
للأسف عالمنا العربي بس يعرف يقول كنا وكنا .. حلو الواحد يهتم بالتاريخ ويتفاخر بأنجازات العرب والمسلمين بس الأهم أن نواصل هالانجازات
كل كتبنا عن تاريخ العرب والمسلمين .. خبرونا عن الواقع عسب نقدر نغير … اليابان مب أحسن عنا … والظروف اللي كانت تعانيه بعد الحرب العالمية الثانية أسوأ من ظروفنا ب100 مرة
التفاؤل عندي من أهم الأشيا… لم ولن أفقد الأمل … ما زلت في انتظار غدٍ أجمل وأفضل
السموحة .. الموضوع بسيط بس كل مرة أفكر بهالدولة واستغرب
رابط دائم
محمد قال
وأجمل ما في الموضوع بساطته..
أحسنت يا عزيزي، وموضوعك في الصميم ..
alamiri قال
تسلم أخوي عالمرور الجميل..
dubai85 قال
لا اختلاف معك في كل نقطة ..
و الجميع مهتم بهاي النقطة بل يذكرها دائما ..!
الذكر فقط بعيدا عن التطبيق ..
ما يحصل في اليابان جراء عقلية من هو في رأس الهرم .. هرم كل مؤسسة كل هيئة كل وزارة كل مشروع ..
متى ما كانوا هؤلاء على قدر “كرسيهم” .. بالتالي سنرى يابان العربية ..!
: )
المشكلة تكمن في العقلية فقط .. !
alamiri قال
تسلمين أختي عالمرور الجميل .. ومعاج حق
وها سبب من اسباب تخلف العالم العربي
أراميا قال
الحمدلله على عودتك
بصراحة..اليابان وين و نحن وين ..
نحن شكلنا ما بنوصل لمستواها إلا بعد 200 سنة ..
التعليم عندنا صاير في آخر اهتماماتنا ..
لكن خلنا نكمل أحلامنا و نتفاءل ..يمكن الحلم يتحقق
إذا ما تحقق في أيامنا ..يمكن يتحقق في المستقبل
alamiri قال
اليابان اهتمت بالتعليم .. وبدون علم ما نقدر نسوي شي
عندنا الامكانيات المادية نحتاج للأهتمام بس
تسلمين اختي عالمرو الجميل
ليـان قال
اليابان غيير
يشتغلون ماينتظرون مقابل لـ عملهم
الشغل عندهم اهو راحة
عالمنا العربي عقولهم مايشغلونها يعشقون راحة
يعتمدون ع انتاجهم وانتاج غيرهم
مدونة رائعة اسعدت بتعرف علييها..
alamiri قال
لو تغيرت العقلية بنقدر نسوي شي … والله كريم
حياج الله اختي ليان اسعدني تواجدج في المدونة
female قال
انا مع ” دبي ” .. ^ فوق ^ ,,